ҰҚК Шекара қызметі Қазақстан мен Ресей шекарасындағы жағдайға қатысты пікір білдірді

Қазіргі уақытта Қазақстан-Ресей шекарасындағы "Қосақ" (Павлодар облысы) өткізу пунктінде жүк көліктерінің кептелесі байқалады. Аталған жайтқа қатысты ҰҚК баспасөз қызметі өкілдері білдірді, деп хабарлайды KAZ.NUR.KZ.

ҰҚК баспасөз қызметінің айтуынша, шекарадағы кептеліс жеміс-жидек пен көкөніс өнімдерін тасымалдаудың маусымға байланысты артуынан болып отыр.

Ведомство мәліметінше, күту уақытын барынша азайту үшін өткізу пункті күшейтілген режимде жұмыс істеп тұр, қажетті шаралар қабылдануда. Сондай-ақ жергілікті атқарушы органдармен тығыз іс-қимыл ұйымдастырылған.

"Павлодар облысында "Шарбақты" және "Үрлітөбе" халықаралық өткізу пункттері де жұмыс істейтінін еске саламыз. Солтүстік Қазақстан облысында "Жаңа Жол", "Қарақоға" және "Қызыл Жар" өткізу пункттері жұмыс істейді.

Бұдан бөлек белгілі бір күнге бос орындардың бар-жоғын нақтылауға және шекарадан өту уақыты мен орнын алдын ала жоспарлауға мүмкіндік беретін электрондық кезек жүйесі жұмыс істейді. Бұл өткізу пунктіне түсетін жүктемені азайтуға септігін тигізеді және тасымалдаушылар үшін процестің алдын ала болжамды болуын қамтамасыз етеді.

Мысалы, "Қосақ" өткізу пунктінің шығу бағытындағы орташа өткізу қабілеті тәулігіне шамамен 200-220 жүк көлігін құрайды", - делінген хабарламада.

Мәтіннен қате тапсаңыз, бізге жазыңыз