Колумбиядағы жойқын жер сілкінісі: Тоқаев ел президентіне көңіл айтты
Жарияланған күні:
Мемлекет басшысы Колумбия президентіне көңіл айту жеделхатын жолдады, деп хабарлайды Ақордаға сілтеме жасаған KAZ.NUR.KZ.
Президенттің баспасөз қызметінің мәліметінше, Қасым-Жомарт Тоқаев Колумбиядағы жойқын жер сілкінісі салдарынан көптеген адамның қаза болуына байланысты Қазақстан халқының және өзінің атынан президент Абелардо де ла Эсприэльяға және оның отандастарына көңіл айтқан.
Президент қаза тапқандардың туған-туыстарының сабырға келуіне және із-түссіз жоғалған жандардың тез арада отбасыларына оралуына тілектестігін білдірген.
Еске сала кетейік, 10 тамызда Колумбияда магнитудасы 7,4-ке тең жойқын жер сілкінісі болды.
11 тамыздағы мәліметтерге сәйкес, жер сілкінісінен кем дегенде 132 адам қаза тауып, тағы 570-і жарақат алған.
Төтенше жағдайлар қызметі адамдарды үйінділер астынан шығару жұмыстарын жалғастырып жатыр.
Мәтіннен қате тапсаңыз,бізге жазыңыз
Оригинал статьи: https://kaz.nur.kz/politics/universe/2411273-kolumbiiadagy-zhoiqyn-zher-silkinisi-toqaev-el-prezidentine-kongil-aitty/
