"Қайта тұрмысқа шыққым келмейді": Сиви Махмуди ажырасуына қатысты жауап берді

Отандық танымал әнші Сиви Махмуди өзінің ажырасуына қатысты пікір білдірді. Өнер иесі жолдасымен айырылысуының себебін айтпайтынын жеткізді, деп жазады KAZ.NUR.KZ.

Сиви Махмуди желіде оқырмандарын қызықтырған сұрақтарына жауап берді. Шоу-бизнес жұлдызы күйеуімен ажырасуына қатысты пікір білдірді. Ол енді қайта тұрмысқа шыққысы келмейтінін айтты.

"Қайта тұрмысқа шыққым келмейтін сияқты", – деп кесіп айтқан ол кейіннен бұл сұрақты болашақтың еншісіне қалдыратынын жеткізді. 

Сондай-ақ, әнші ажырасу себебін айтудан бас тартты. 

"Ажырасуымызға не себеп болғанын айтпаймын. Себебі ол ортақ балаларымыздың әкесі. Барлығына жақсылық тілеймін", – деді Сиви.

Айта кетейік, Сиви Махмуди бұған дейін он жыл отасқан күйеуімен ажырасып кеткенін хабарлады. Ерлі-зайыптының ортақ үш балалары бар.

Мақаланың түпнұсқасы: https://kaz.nur.kz/showbiz/1947945-qaita-turmysqa-syqqym-kelmeidi-sivi-maxmudi-azyrasuyna-qatysty-zauap-berdi/