jitsu gif branding logo appbranding logo app
Шоубиз

    Айгүл Мүкей Ләйлә Сұлтанқызының өмірден өткен күйеуі жайлы естеліктерін бөлісті

    Ләйлә Сұлтанқызы
    Ләйлә Сұлтанқызы. Фото: instagram.com/sultankyzy

    Кеше тележүргізуші Ләйлә Сұлтанқызының жолдасы, "Оқ-жетпес" емдеу-сауықтыру кешенінің президенті Қайрат Беркінбаев өмірден өтті. Айгүл Мүкей әріптесінің қайтыс болған жолдасын еске алып, естелігімен бөлісті, деп жазады KAZ.NUR.KZ.

    "Менің құрбым Ләйлә Сұлтанқызы өзінің жолдасы Қайрат Беркінбаевтан, ал балалары әкесінен айырылды. Ол - өзі жеке кәсіпкер болды. Кейін "Оқжетпес" емдеу-сауықтыру кешенінің президенті болды. Ол - отбасында алты ұлдың кенжесі, әке-шешесінің сүйікті ұлы, ағайындарының бауыры бола білді. Туған өлкесі үшін көп жақсылық жасаған азамат. Туған жерінде мектеп, балабақша салдырды.

    Ол - керемет әке бола білді. Жалғыз қызы Дәмеліні ұзатты. Ал Сардар мен Сағадат өтпелі кезеңге енді аяқ басты. Қайрат - достары үшін мықты тұлға. Ол - бірінші кезекте Ләйләнің жұбайы. Ол Ләйләні сүйетін, жақсы көретін, үнемі қорған болатын. Өзін жариялағанды ұнатпайтын, бірақ өзінің сұлу әйелін қатты сүйді.

    Ал қазір сол адамды жер қойнына тапсыратын уақыт келді. Қайраттың жүрегі аяқ астынан тоқтап қалды. Қорқынышты... Ең жақын адамыңды жер қойнына тапсыру қорқынышты. Ләйләға оңай емес. Ол жақында ғана туған бауырынан айырылды, енді Қайраттан... Күні кеше "Мен мықты болудан шаршадым" деген еді", - деп жазды Айгүл Мүкей Instagram парақшасында.

    Естеріңізге сала кетейік, кеше Ләйлә Сұлтанқызының жұбайы Қайрат Беркінбаевтың қайтыс болғаны белгілі болды.

    "Оқ-жетпес" емдеу-сауықтыру кешенінің президенті Қайрат Беркінбаевтың өмірден өтуіне байланысты денсаулық сақтау министрлігі оның туыстары мен жақындарына көңіл айтты.

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.