Актер Тәуекел Мүсілім екінші рет әке атанды (видео)

Отандық актер Тәуекел Мүсілім екінші рет әке атанды. Отбасының тағы бір жанға толыққанан актердің жұбайы Махаббат Instagram парақшасында мәлім етті, деп жазады KAZ.NUR.KZ.

Махаббаттың айтуынша, өмірге ұл бала келген.

"Тәуекел екеуіміз екінші рет ата-ана атандық. Құлыным, мына өмірге ашқан есігің құтты болсын! Бауы берік болсын! Үлкен ер-азамат бол! Біз сені жақсы көреміз. Аллаға сансыз шүкірлік", - деп жазды актердің жұбайы.

Желі қолданушылары актер отбасының қуанышына тілектестігін білдіріп, ақ тілектерін жаудырған.

"Бауы берік болсын", "Құттықтаймыз", "Айтөре аға болды", "Балалардың қызығын бірге көріңіздер", - деп жазды желідегілер.

Естеріңізге сала кетейік, Тәуекел Мүсілім осыған дейін әкесінен көрмеген сезімдерді балаларына көрсетуге тырысатынын айтқан болатын.