"Көп кездескеніміз жоқ": Нұрсұлтан Нұрбердиев халыққа алғаш рет келіншегін көрсетті (фото)

Нұрсұлтан Нұрбердиев халыққа жұмбақ әншілердің бірі. Ол отбасылық өмірі туралы көп ашылып айта бермейді. Десе де, Анна Данченокның Қызықты Weekend бағдарламасында әнші ата-анасы мен келіншегін халыққа таныстырды, деп жазады KAZ.NUR.KZ.

Нұрсұлтанның жұбайы Қызылорда облысының тумасы. Бірақ Тараз қаласында өскен. Әншінің ата-анасы келінді ұзатып алғысы келгенімен, Нұрсұлтан сүйіктісін алып қашуға бел буады.

"Ата-анам Қызылорда облысының тумасы. Анам Аралдан, әкем Қазалыдан. Мен бір жасқа толғанда Таразға көшіп келдік. Үйде төрт қызбыз. Мен үйдің екіншісімін. Біз көп сөйлеспедік. Бірінші кездесуінде-ақ үйленетінін айтқан. Бір айдай кездесіп, үйлендік. Өзім телекоммуникация саласын оқыдым. Бірақ жұмыс істеп үлгермедім. Отағасы үйде отыр деді. Осы кісі не айтады, солай болады", - дейді әншінің жұбайы Әсел Молдабаева.

Бағдарлама барысында Нұрсұлтан Нұрбердиев ата-анасы мен келіншегіне арнап клип түсіру жоспарда бар екенін айтқан.

Жас жұбайлар кішкентай бүлдіршінді бірге тәрбиелеп отыр.