"Әкем – қазақ": дизайнер Аида Қауменова ата-анасы жайлы айтты

Танымал қазақстандық дизайнер Аида Қауменова ел білмейтін құпиясын бөлісті. Ол "Мамский әңгіме" бағдарламасында бойында бірнеше ұлттың қаны барын айтты, деп жазады KAZ.NUR.KZ.

"Мен Сарқан қаласында білім алдым. Негізі Жансүгіров ауылында дүниеге келгенмін. Анам – жартылай беларусь, жартылай татар, әкем – қазақ. Бір әжем – беларусь, біреуі – қазақ.

Қазақша да, орыс тілінде де жақсы сөйлей аламын... Себебі, мен екі әжемнен де тәрбие алдым. Олар бірге оқыған. Әкем анамды алып қашып кеткен. Олар осында оқыған. Әкем анама "Ата-анама қонаққа барайық" деген. Барған кезде анама орамал тағып, шашу шашқан. Анам босаға аттап, 20 жасында келін атанған. Бірақ анам қазақ тілінде таза сөйлейді. Қазақшаға судай. Біздің әулеттің дәстүрін, салтын толық қабылдаған. Әжемнің мінезі ауыр болса да, анам оны құрметтеді. Әжем өмірден өтер алдында анама батасын беріп кетті", - деді Аида Қауменова.

Мәтіннен қате тапсаңыз, бізге жазыңыз