Димаш Құдайберген УЕФА штаб-пәтеріне барды

Танымал әнші Димаш Құдайберген жұмыс сапарымен Швейцарияға барды. Өнер иесі іссапары кезінде Еуропалық футбол қауымдастықтары одағының штаб-пәтерінде болды, деп хабарлайды dimashnews.com сайты.

Еуропа мен Азияның кейбір батыс аймақтарындағы футболды басқаратын осы спорттық ұйымның негізгі орталығы Швейцарияның Ньон қаласында орналасқан.

Димаш Құдайберген бала күнінен футболды жақсы көретінін және жанкүйер екенін атап өтті.

"Менің ойымша, футбол - музыка сияқты бүкіл әлемдегі адамдарды біріктіре алатын өнер. УЕФА Чемпиондар Лигасының әлемге әйгілі Әнұранының үйінде болу үлкен мәртебе болды. Оны осы спорттың барлық әуесқойы біледі", - деді Димаш Құдайберген.

Айта кетейік, Қазақстан Республикасы осы халықаралық ұйымның мүшесі болғанына 20 жыл болды.

Мәтіннен қате тапсаңыз, бізге жазыңыз