20 аспапта емін-еркін ойнайтын 18 жастағы павлодарлық музыкант туралы не білеміз (видео)

Әртүрлі саз аспабын меңгеруге ден қойған 18 жастағы павлодарлық музыкант Айдын Серікұлы қазіргі таңда 20 аспапта ойнай алады. Жас музыкант "Таңшолпан" бағдарламасына берген сұхбатында әлі де аспаптарды меңгеруды жалғастыратынын айтты.

Павлодарлық Айдын Серікұлының музыкаға деген құштарлығы 20-ға жуық аспапты меңгеруге себеп болған. Ол әншілік таланты нағашыларынан дарығанын айтады.

"Атам шебер болған. Домбыра жасағанмен, ән айтпаған. Нағашы жұртымда ән айтатындар көп. Бірақ ешкім аспапта ойнамаған. Менде осы екеуі де араласып, аспап та да ойнай аламын, ән де айта аламын", - дейді жас музыкант.

Ол алдымен қос ішекті домбыраны қолға алып, кейіннен көне түркі тайпаларының үрмелі және ұрмалы аспаптарын меңгеріп алған.

Қазіргі таңда дәстүрлі ән мектептерін зерттеп жүр. Айдын Серікұлы тарихи туындыларды аспаптардың сүйемелдеп қана қоймай, әнге дыбыстық реңк беріп те құйқылжыта орындайды.

"Аспап меңгеру біршама уақыт алады. Ең бірінші қазақтың қара домбырасынан бастадым. Үрмелі, ұрмалы аспаптарға қызығушылық оянды. Аспаптарды меңгеруді жалғастыра беремін, алдағы уақытта әзірбайжандықтардың дудук аспабын үйренемін", - дейді музыкант.