"Жалдамалы пәтерге 2 млн теңге": танымал блогер NNN айына қанша қаражат жұмсайтынын айтты

Көпшілікке NNN лақап атымен танымал блогер Нұрдаулет Бектұрсын ай сайын 10 млн теңгеден аса қаражатты жұмсайтын болып шықты. Ол REVUE NEWS бағдарламасында жалдамалы пәтерінің өзі 2 млн теңге екенін айтты, деп жазады KAZ.NUR.KZ.

Блогердің жеке шотын тексерген бағдарлама тілшісінің мәліметінше, ол ай сайын жұмсайтын қаражат - 10 млн 918 мың 517 теңге. Тіпті Нұрдаулет Бектұрсынның несиесі де бар болып шықты.

Ал блогер ай сайын қомақты қаражатты қайжа жұмсайтынын жасырмай айтып берді.

"Негізі тапқанымнан көп ақша жаратамын. Жалдамалы пәтерімнің өзі - 2 млн теңге. Жұмысшыларға беремін. Өзімнің жарататыным бар. Табысымның 60 пайызы оқырмандарға сыйлыққа кетеді", - деді Нұрдаулет Бектұрсын.

Еске сала кетейік, осыған дейін Құралай Анарбекова Нұрдаулеттің үйленгісі келгенін айтып қойған болатын.

"....Ол бала үйленгісі келіп жүр. Әлеуметтік желілерден де көремін. Мүмкін қызы да бар шығар. Оған кедергі келтіргім келмейді. Жолын байлағым келмейді. Қызына халық менімен қосып жатқаны ұнамайтын да шығар", - деген еді актриса.