"Жылап отырмын": Оралда бір мезетте 300-ден астам адам "Атамекен" әнін шырқады (видео)

Оралда бір мезетте 300-ден астам адам "Атамекен" әнін шырқады. Өңірде су тасқынына қарсы бөгет салып жатқан халықтың бірге орындаған әнін "Хабар" арнасы Instagram парақшасында жариялады.

Оралда бір мезетте суға бөгет жасап жатқан 300-ден астам адам "Атамекен" әнін шырқады. Ал мұны көрген оқырмандар қиындықта ауызбіршілік танытқан жұртқа алғыс білдірді.

"Қазақ еліміз аман болсын", "Ағаларымызға күш-қуат бере гөр", "Денем түршігіп кетті", "Көзге еріксіз жас келді" , "Жылап отырмын", "Қандай керемет" деп жазды олар.

Еске сала кетейік, осыған дейін шоу-бизнес өкілдері су тасқынынан зардап шеккен халыққа 25 млн теңге қаражат жинаған болатын.

Ал бірнеше күн бұрын продюсер Гүлзира Айдарбекова бастаған топ су басқан өңірлерге аттанды.

Сондай-ақ, танымал әзілкеш Жахан Отарғалиев өз туған өлкесі Оралға барып, су тасқынына дайындалып жатқан халықты көрсетті.

Мәтіннен қате тапсаңыз, бізге жазыңыз