"Абьюзер емеспін": актер Асқар Ілиясов Айя Шалқарға жауап беріп, оны ашық диалогқа шақырды

Актер Асқар Ілиясов қазақстандық танымал модель Айя Шалқардың екеуінің арасындағы қарым-қатынас туралы айтқан сөздеріне жауап берді. Ол бұрынғы сүйіктісін бірге сұқбат беруге шақырды, деп хабарлайды KAZ.NUR.KZ актердің Instagram-дағы парақшасына сілтеме жасап.

"Мен бұны жазам деп ойламадым, бірақ Айяның сторисіндегі әңгіме қоғам алдында талқыланып, шектен шығып барады.

Мен абьюзер ​​емеспін, мен әйелдерді құрметтеймін. Ал мен Айямен арамызда болған жайттар екеумізге ғана қатысты. Мен оны жақсы көремін және құрметтеймін. Біз екіге кеттік. Төрт ай қарым-қатынастан кейін біз бірге шешім шығарып, бөлек кетуді жөн деп санадық", - деп жазды Асқар Ілиясов.

Актер қыз тарапынан айтылған әңгімелер оны тығырыққа тірегенін айттты.

"Мен ақталмаймын, диалог болғанын қалаймын. Біз бұл туралы жеке де сөйлесе аламыз, бірақ егер біздің қарым-қатынасты қоғамдық форматқа айналдырғың келсе, оны бірге талқылайық, Тимур Балымбетовпен бірлескен сұқбат түсіріп, маңызды жайттар туралы әңгімелейік. Менің ойымша, бұл тек біз үшін ғана емес, қарым-қатынаста түсінісе алмайтын барлық адамдар үшін пайдалы боладыдеп ойлаймын", - деп жауап берді ол.

Айта кетейік, Асқар Ілиясовпен көзге түскен Айя Шалқар сыр ақтарып, бұрынғы қарым-қатынасы не үшін тоқтағанын айтқан еді.