Тамақ, фуршет: Ninety One тобының концертіне VIP билеттер 1 миллион теңгеден сатылып кеткен

Жастар арасында кеңінен танылған Ninety One тобы ұжымның құрылғанына сегіз жыл толуына орай үлкен концерт берді. Аталған концертке VIP билеттер 1 миллион теңгеден сатылған, деп хабарлайды NTK Entertaiment.

Ninety One тобы жеке шығармашылық кешке арнап бір миллион теңгелік билеттерді сатылымға шығарған. Белгілі болғандай, билеттер түгел өтіп кеткен.

"Вип-зонаға жағдай жасап жатыр. Тамақ, фуршет, бәрі тұр. Күшті екен", - дейді блогер Әден Марғұлан.

Ал топ мүшелерінің айтуынша, бағаны қою саясатына олар араласпапты.

Ninety One тобының концертін тамашалауға жалпы есебі 9 мың адам келді. Олардың ішінде Нұрлан Қоянбаев бастаған танымал өнер жұлдыздары да бар.

Сондай-ақ әншілер топты құрып, өздеріне жол көрсеткен бұрынғы продюсерлері Ерболат Беделханға алғысын айтты.

Мәтіннен қате тапсаңыз, бізге жазыңыз