Әйгілі Snoop Dogg Баян Мақсатқызы сыйлаған шоколадты әлі сақтап жүр (видео)

Әлемге әйгілі рэп орындаушы Snoop Dogg отандық продюсер Баян Алагөзова мен "KeshYOU" тобы сыйлаған "Қазақстан" шоколадын өз кеңсесінде әлі сақтап жүр. Бұл туралы америкалық блогер түсірген видеодан белгілі болды, деп жазады KAZ.NUR.KZ.

Желіде тарап кеткен бейнежазбаны Баян Мақсатқызы да Instagram-дағы парақшасында бөліскен. Онда блогердің көк туымыз бейнеленген шоколадқа көзі түсіп, Snoop Dogg-қа сұрақ қойғанын көруге болады. Рэп орындаушы бұл дәмді сыйлықты өзіне қазақстандық топтың қыздары тарту еткенін айтты.

"Бұл – "Қазақстан" шоколады. Қазақстан деген елде шығарылады. Сол елдің әнші қыздарымен бірігіп, видео түсіргенбіз. Солар сыйлады. Өте дәмді", - деді Snoop Dogg.

Айта кетейік, бұған дейін, қазақстандық "KeshYOU" тобы әйгілі аемрикалық рэпер Snoop Dogg-пен бірлесіп дуэт жазып, ортақ бейнебаян түсірген болатын.

Мәтіннен қате тапсаңыз, бізге жазыңыз