Еркебұлан Тоқтар Қазақстанның еңбек сіңірген қайраткері атанды
Жарияланған күні:
Белгілі киноактер Еркебұлан Тоқтар "Қазақстанның еңбек сіңірген қайраткері" атағымен марапатталды, деп хабарлайды KAZ.NUR.KZ.
Еркебұлан Тоқтар Instagram-дағы парақшасына алған марапатының фотосын жариялады.
"Қазақстан Республикасы Президентінің 2025 жылғы 21 қазандағы Жарлығымен "Қазақстанның еңбек сіңірген қайраткері" құрметті атағы берілді", - делінген жазба сипаттамасында.
Вице-премьер, мәдениет және ақпарат министрі Аида Балаева осыған қатысты Facebook желісіндегі парақшасында түсінік берді.
Айтуынша, мемлекет басшысының Жарлығымен Республика күніне орай елдің экономикалық және қоғамдық өмірінің түрлі салаларын дамытуға елеулі үлес қосқан бірқатар азаматтар марапатталды. Олардың кейбірі марапат табысталар сәтте елімізден тыс жерде болғандықтан, наградаларын уақытында ала алмады. Олардың қатарында Еркебұлан Тоқтар да болған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/career/2317829-erkebulan-toqtar-qazaqstannyng-engbek-singirgen-qairatkeri-atandy/