"Бастапқы құны 8 мың доллар": әйгілі Диана ханшайым киген көйлектің эскизі сатылымға шығарылды (фото)
Жарияланған күні:
Диана ханшайым киген көйлектің эскизі сатылымға шығарылды. Көйліктің эскизін британдық сәнгер Виктор Эдельштейн жасаған болатын, деп хабарлайды KAZ.NUR.KZ Daily Mail басылымына сілтеме жасап.
Басылым мәліметінше, аукцион 27 шілдеде Nate D. Sanders аукционында онлайн-форматта өтеді. Лоттың бастапқы бағасы 8 000 долларды құрайды.
"Түймелері гауһар тастан, жібек барқыттан қара көйлек", - деп жазылған дизайнер қалдырған суреттің сипаттамасында.
Аталған эскиз бойынша тігілген көйлекті ханшайым алғаш рет 1989 жылы "Опасные связи" фильмінің премьерасында киіп шыққан.
Lenta.ru басылымының дерегінше, шілде айының басында Диана ханшайымның свитері сатылымға шығарылған. Лоттың бастапқы бағасы 70 мың фунт стерлинг. Аукцион биыл 7 қыркүйкте өтеді деп жоспарлануда. Ханшайым ол киімді алғаш рет 1981 жылы маусымда өткен поло матчына киген екен.
Мақаланың түпнұсқасы: https://kaz.nur.kz/showbiz/image/2030246-bastapqy-quny-8-myn-dollar-aigili-diana-xansaiym-kigen-koilektin-eskizi-satylymga-sygaryldy-foto/
