50-ге толған Досымжан Таңатаровқа Мейрамбек Бесбаев домбыра сыйлап, жерлестері тұлпар мінгізді (видео)

Белгілі әнші Досымжан Таңатаров 50 жас мерейтойына орай Астанада жеке шығармашылық концертін берді. Кеште әншінің өнердегі достары әннен шашу шашып, Мейрамбек Бесбаев арнайы жасатқан домбыраны сыйға тартқан, деп хабарлайды KAZ.NUR.KZ.

"Құтты болсын! Сен бір рудың емес, Алаштың аяулы азаматына айналдың! Досым, мен соған қуанамын. Осы елдің саған деген махаббаты мәңгілік болсын! Сенімен мақтанайық, қуанайық", - деп Мейрамбек Бесбаев сахнада әнші үшін арнайы жасатқан домбырасын тарту еткен.

Сондай-ақ суретші Шалқар Ақанов Досымжан Таңатаровқа әншінің өзі бейнеленген портретті сыйлаған.

Бұдан бөлек, әншіге жамбылдық жерлестері тұлпар мінгізген.

Айта кетейік, бұған дейін Досымжан Таңатаровтың Астанада өткен концертінде аңыз әнші Нұрғали Нүсіпжановқа елордалық кәсіпкер екі бөлмелі пәтер сыйлағанын жазған едік.

Мәтіннен қате тапсаңыз, бізге жазыңыз