Жанболат пен Жазира балалы болу үшін емделіп жүргендерін айтты

Әлеуметтік парақшаларында бала десе ішкен асын жерге қоятын жұлдызды жұп балалы болу үшін ем қабылдап жүргенін айтты деп хабарлайды «Айта берсін» бағдарламасына сілтеме жасаған NUR.KZ.

“Соңғы кездері осындай ойлап мазалап жүр. Екеуміз барымызды салып емделмедік. Енді ғана емделіп бастасақ, жұмыстарымызбен кетіп қаламыз. Қазір үміттеніп, жан-жақты емделіп жатырмыз”, – дейді Байырбекова.

Осы орайда жұптардың бала асырап алуға деген көзқарасын да айта кетті.

“Баланың бәрі періште ғой. Қазір неше түрлі қиындықтан балаларын тастап кетіп жатқандар бар. Егер сәті түсіп жатса, әрине”, – деді Жанболат. Ал, Жазира: “Бірақ мен бәрібір тегіне қарар едім. Ол бала қандай жағдаймен балалар үйіне түсті, әке-шешесі қандай адам болған?! Баланың тегі жақсы болса, ол жақсы болып өседі. Ал егер оны керек емес деп тастап кеткен ата-анадан шыққан бала қандай болады деп, содан қатты қорқамын”, – деді.

Сондай-ақ әнші жұптардың бірі Тоқтар мен Бейбіт те бала асырап алуға қарсы емес екендерін айтты. “Біздің де ойымызда бар. Ол әңгімеден алыс емеспіз. Арамызда бір-екі рет ол әңгіме қозғалды. Бұйырған күні болатын шығар”, – дейді Бейбіт Сейдуалиева.

Мәтіннен қате тапсаңыз, бізге жазыңыз