Екі рет ажырасқан әйгілі модель өзінен 16 жас кіші жігітке тұрмысқа шықпақ
Опубликовано:
Әлемге әйгілі модель Хайди Клум жақында тағы да қалындық атанғалы жатыр. Анықталғандай, 45 жастағы әйел мен оның 29 жастағы сүйіктісі алдағы уақытта некелесуді жоспарлап отыр. Танымал модельдің таңдауы "Tokio hotel" музыкалық топтың әншісі Том Каулитцке түскен деп жазады ofigenno.com сайтына сілтеме жасаған NUR.KZ.
Бұл жұлдызды жұптың көңіл қосқаны жөнінде ұзақ уақыт бойы ел арасында сыбыстар жүрген. Қарым-қатынастарын барынша жасырып тырысқанымен, олардың жұп екені бәрібір де әшкере болатынына көнген олар елден тығылмауды жөн санады.
Түрлі мәдениет шараларына бірге қол ұстаса барған ғашықтардың қарым-қатынасы аз уақыт аралығында тойға ұласарын ешкім болжамаған.
Алайда, жұпқа жақын адамдардың айтуынша, Хайди мен Том бір-біріне ессіз ғашық. Оларға жас айырмашылығы мен модельдің балалары бар болғаны да әсер етпеген.
Том өз сүйіктісінің перзенттерін бүкіл жан-тәнімен жақсы көретін болып шықты.
Бірінші күйеуімен Хайди бес жыл бойы тұрған. Алайда, өзара келісе алмаған жұп ажырасып тынды. Ал екінші жұбайы әнші Силмен болса, Хайдидің махаббаты мәңгілік болып көрінген.
Жұлдызды отбасы төрт баланы тәрбиелеп өсірді. Бірақ та араға жеті жыл салып, модель өз күйеуімен ажырасып кетті. Көпшілік, Хайди оның көзіне өз күзетшісімен шөп салды деп болжады. Елдің айтқаны, ажырасудың соңына дейін жеткен кезінде расталды.
Ажыраса сала күзетшісімен қарым-қатынасын жасырмаған әйел көптің сынына ұшыраған болатын. Алайда, онымен де келісе алмаған жұлдыз артынша тағы бірнеше ер адамдармен бақыт құруға тырысқанымен, бәрінің соңы айырылысуға әкеп соқтыра берді.
Нәтижесінде, ұзақ күткен өмірлік серігі Том Клаулитц болған. Әнші де бұған дейін отбасылы болып, ажырасып кеткен.
Хайди мен Том өздерінің үйлену тойын алдын ала ойластырып, оның дайындығына кірісіп кеткен көрінеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/1751813-eki-ret-azyraskan-jgili-model-zinen-16-zas-kisi-zigitke-trmyska-sykpak/