Талғат Теменовтің жас актрисаларды жақсы көретіні рас па?

Белгілі "Махаббат станциясы" фильмінің режиссері Талғат Теменов өзін жас актрисаларды жақсы көреді деп сынағандарға жауап берді. Өнер иесі өз өмірі мен жанұясы, шығармашылығы жайында "Назерке Нұртаспен кешкі шай" бағдарламасында баяндады деп жазады KAZ.NUR.KZ.

Режиссер инабатты қыздарды табиғаттың сыйына, сұлулықтың нышанына балады.

"Теменов жас, сұлу актрисаларға ылғи қарайды дейді. Онысы өтірік. Әрине, кейде мен туралы олай ойлағанда "солай болу керек шығар"дейсің.

Жалпы немерелерім қылтиып өсіп келе жатқан кезде мен қыздар туралы көп ойлана бастадым.

Өйткені, қыз - сұлулықтың символы. Кез келген қоғамда, кез келген ұжымда сұлу, жас қыз болмаса, бәрі де быт-шыт болып кетеді. Өйткені, қыз бала биязылығымен, үнсіздігімен ұжымдағы ер адамдарды тәрбиелейді. Бұл табиғаттың ер адамдарға берген үлкен сыйы", -дейді Теменов.

Жұбайымен 40 жылдан астам уақыт отасқан режиссер неліктен үш ұлы да өнер жолын таңдамағанын түсіндіре кетті.

"Кейде Гүлбарам туралы айтқанда қырқына шыдадың ба, қырық біріне шыда деймін. Әрине, балалардың өнерге келуге хақы да, құқы да бар еді.

Біздің балалар мектеп бітіріп, кәмелеттік жасқа келгенде, мемлекеттің аяғынан қаз тұрып жатқан кезінде режиссер емес, актер емес, жалпы өнер ешкімге керек болмай қалды. Сол кезде басқа мамандыққа кетті.

Бірақ, олардың кеткенінен қазақ өнері ештеңе жоғалтқан жоқ. Қазір немерелерім бар, екі қызым бар. Екеуі де музыкада. Одан кейінгі Айсұлтан - суретші", -деді ол.

Мәтіннен қате тапсаңыз, бізге жазыңыз