"Қазақ өнерінің падишасы": 70 жасқа толған Лидия Кәденоваға әріптестері тосынсый жасады (видео)
Опубликовано:
Қазақстанның еңбек сіңірген әртісі, актриса Лидия Кәденова күні кеше 70 жасқа толды. Театр ұжымы ардагер әріптесіне тосынсый жасап, оның мерейтойын ерекше тойлап берді, деп хабарлайды KAZ.NUR.KZ тілшісі.
Лидия Кәденованың туған күнінен бейнекадрларды Кәденованың әріптесі Рахман Омар желідегі парақшасына жүктеген. Онда спектакльге дайындық кезінде театр қызметкерлері өнер иесіне тосынсый жасағанын көруге болады.
"Бүгін қазақ театр өнерінің падишасы, талантты актриса, қайталанбас тұлға - Лидия Кәденова 70 жасқа толды. Кешке "Баянсыз бақ" қойылымы. Лекең басты рөлде. Дайындық кезінде спектакльде ойнайтын әріптестер тосынсый жасадық", - деп жазды Рахман Омар.
Ал кешке Ғабит Мүсірепов атындағы жасөспірімдер мен балалар театрының ғимаратында арнайы дастархан жасалып, театр ұжымы актрисаның туған күнін атап өтті.
Айта кетсек, Лидия Тәжидинқызы Кәденова "Парасат" және "Құрмет" ордендерінің иегері. Қазақстан Республикасының мәдениет саласындағы мемлекеттік степендиясының иегері.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/1956746-qazaq-onerinin-padisasy-70-zasqa-tolgan-lidiya-kadenovaga-ariptesteri-tosynsyi-zasady-video/