"Назар Адайбеков": Жанар Айжанова немересінің туған күнін дүркіретіп атап өтті (фото, видео)

Әнші Жанар Айжанова немересінің туған күнін ерекше атап өтті. Өнер иесі оңтүстік астанада үлкен той жасап, барша жұлдыздары шақырды, деп жазады KAZ.NUR.KZ тілшісі.

Жанар Айжанова немересінің бір жасқа толуын Алматыдағы қымбат мейрамханалардың бірінде атап өткен.

Жұлдызды жанұяның қуанышына Тамара Асар, Мадина Сәдуақасова, Баян Алагөзова, Айгүл Иманбаева, Шахизада Байбатжанова, Асхат Тарғын, Мақсат Рахмет, Жасұлан Базарбаев, Өмірқұл Айниязов және т.б. өнер өкілдері барды.

Әртістер өз ақ тілектерімен қоса той қонақтарына ән-шашуын да арнады. Олар Instagram желісінде дүбірлі тойдың қалай өткенін қалың көпшілікке көрсетті.

Айта кетерлігі, думанды шарада Айжұлдыз Адайбекованың бұрынғы жолдасы мен ата-енесі көрінген жоқ.

Оған қоса Жанар Айжанова тұңғыш немересіне өзінің марқұм күйеуінің тегін берсе керек. Себебі мейрамхана ішіндегі үлкен безендіру тақтасында "Назар Адайбеков" деп жазылып тұрды.

Мәтіннен қате тапсаңыз, бізге жазыңыз