Әнші Меруерт Түсіпбаева жаңа үйін көрсетті (видео)

Отандық әнші, актриса Меруерт Түсіпбаева жаңа шаңырағын көрсетті. Өнер иесі "Төртеу түгел" бағдарламасында үйді бастапқы әрлеумен алып, дизайнын өзі жасап шыққанын айтты, деп жазады KAZ.NUR.KZ.

"Кедей болсаң, көшіп көр" деген сөз бар ғой. Қазір өзім екі үйдің ортасында жүрмін. Осындай қауырт шақ болып кетті. Студенттердің сабағы басталып, балам шетелге оқуға кетті.

Жөндеу жұмысын жасау әйел адамға оңай емес қой. Әзірге толық жиһаз қойылған жоқ. Үйдің дизайнын өзім жасадым. Бұл бастапқы әрлеумен алынған алтыншы үй. Мен ойлаймын, бұл адамға хобби сияқты болып кетеді екен. Менің анам "Қызымның хоббиі үй сатып алу" деп айтады. Үш-төрт жылдың ішінде үй ауыстырғым кеп тұрады", - деді Меруерт Түсіпбаева.

Посмотреть эту публикацию в Instagram

Публикация от Instagram

Сонымен қатар әнші жаңа үйге толық көшіп болғаннан кейін шыцғармашылық жұмыстарға кірісетінін айтты.

"Тыңдармандарды жақында қуантамыз. "Көп күткен бақытым" әнін жаздырдым. Бұл әнді сахнаға шығару үшін 8-9 адам жұмыс істеді. Сөзін түзеттік. Қазір ән дайын. Қазір осы шаңыраққа көшіп алғаннан кейін бейнебаян түсіреміз", - деді Меруерт Түсіпбаева.

Мәтіннен қате тапсаңыз, бізге жазыңыз