Ерке Есмаханға қашан сырға салынатыны белгілі болды (фото, видео)

Жақында отандық әнші Раиммен мұсылманша некесін қидырған Ерке Есмахан осыған дейін өзіне құда түсіп, сырға салынатынын және беташары өтетінін айтқан болатын. Әнші бүгін көпшілікке сырға салу күнінің қай уақытқа белгіленгенін мәлім етті, деп жазады KAZ.NUR.KZ.

Бұл жаңалығын әнші Instagram желісінде бөлісті.

"Ертең бұйырса, біз үшін маңызды күн", - деп жазды әнші.

Әнші көпшілікке бөліскен шақырту қағазында "Ерке сырға салу. Құдалық мың жылдық болсын, 19.02.2023 жыл", - деген жазуды байқауға болады.

Естеріңізге сала кетейік, осыған дейін қос әншінің кездесетіні жайлы қауесет тарап, кейінірек Раим Бақтыгереев бұл ақпаратты растаған болатын.

Осыдан кейін бірнеше күн өткенде жұлдызды жұптың мешітте некесін қидырғаны белгілі болды.

Кейінірек Раим Бақтыгерев өнерден айырылса да, махаббаттан айырыла алмайтынын айтып, көпшіліктен өздерін сынамауды сұрады.

Ал Ерке Есмахан оқырманының сауалына жауап беріп, мәһрге не сұрағанын айтып берді.

Мәтіннен қате тапсаңыз, бізге жазыңыз