"Басқа бөлмеге жатайыншы деді": Аша Матай жұбайы Арманмен арадағы түсініспеушілікті жайып салды

Танымал әнші, актриса әрі тележүргізуші Аша Матай тұңғышы өмірге келгеннен кейін жұбайымен арада болған түсініспеушілік туралы айтып, жас аналарды күйеуінен бөлек жатпауға шақырды, деп хабарлайды "Қыздар-ай" бағдарламасына сілтеме жасаған KAZ.NUR.KZ.

"Мысалы, бірінші баламыз дүниеге келді ғой. Үйге шыққан соң баламен өткен үшінші түні Арман маған: "Мен қатты шаршадым. Ұйқым келіп тұр. Басқа бөлмеге жатайыншы", - деді. "Қайдағы басқа бөлме? Онда мен де кетіп қалайын. Бала өзі жата берсін. Мен де шаршадым. Менің де ұйқым келіп тұр. Бірақ бұл екеуміздің баламыз, бұл бала екеумізге керек", - дедім. Содан кейін бәрі жақсы, бірге баланы ұйықтатып, бірге қараймыз. Қыздар, бөлек жатуға келіспеңдер", - деді Аша Матай.

Айта кетелік, бұған дейін Аша Матай актрисалықтан неліктен бас тартқанын да айтқан болатын.

Мәтіннен қате тапсаңыз, бізге жазыңыз