Димаш Құдайберген президент Қасым-Жомарт Тоқаевпен сурет жариялады (фото)

Димаш Құдайберген президент Қасым-Жомарт Тоқаевпен түскен суретін жариялады. Қазақстандық танымал әнші суреттің ұшақта түсірілгенін атап өтті, деп жазады KAZ.NUR.KZ.

Бұл жайлы өнер иесі Instagram парақшасында жариялады.

"Көк аспанда мемлекет басшысы Қасым-Жомарт Кемелұлымен әңгімелесіп отырған сәт. Мазмұнды іссапардан естелік", - деп жазды Димаш Құдайберген.

Естеріңізге сала кетейік, Димаш Құдайберген Қытай Халық Республикасының төрағасы Си Цзиньпин мен Орталық Азия елдері президенттерінің алдында ән шырқаған болатын.

Мәтіннен қате тапсаңыз, бізге жазыңыз