Алматыда Бердібек Сапарбаевты соңғы сапарға шығарып салды (фото)

Кеше мемлекет және қоғам қайраткері Бердібек Сапарбаев 71 жасқа қараған шағында өмірден өтті. Бүгін Алматыда Абай атындағы опера және балет театрында Бердібек Сапарбаевты соңғы сапарға шығарып салды, деп хабарлайды KAZ.NUR.KZ.

Мемлекет қайраткерін соңғы сапарға шығарып салуға оның әріптестері, таныстары, белсенділері, жанашыр азаматтар жиналды.

Премьер-министр Әлихан Смайылов пен Алматы әкімі Ерболат Досаев сөз сөйледі.

"Бердібек Мәшбекұлы өз еңбегімен еліміздің қалыптасуы мен дамуына зор үлес қосты. Қай қызметте жүрсе де, халық мүддесі жолында бар ынтасымен еңбек етті. Оның ерен еңбегі мен жарқын бейнесі ел жадында мәңгі сақталады", – деді Әлихан Смайылов.

"Бердібек Мәшбекұлы 45 жыл өмірін еліне, халқына адал қызмет етуге арнады. Бердібек Мәшбекұлының туған-туыстарына өз атымнан және барша алматылықтардың атынан көңіл айтамын", – деді Ерболат Досаев.

Естеріңізге сала кетейік, Бердібек Сапарбаев 71 жасқа қараған шағында өмірден өтті.

Мәтіннен қате тапсаңыз, бізге жазыңыз