"Жыным келетін": Әсел Сәдуақасова басы бос кезінде ғашықтарды көргенде қандай сезімді бастан кешіргенін жасырмай айтты

Қазақстандық актриса Әсел Сәдуақасова Instagram-дағы Stories-те көпшілікке басы бос кезінде ғашықтарға қалай қарағанын бөлісті. Бұл туралы KAZ.NUR.KZ хабарлайды.

"Мен Балиде өмір сүргенімде қатты қарым-қатынаста болғым келетін және бүкіл жерде ғашықтар мен жұптарды кездестіретінмін. Шынымды айтсам, оларға жыным келетін", - деді актриса.

Алайда актриса құрбысының кеңесінен кейін айналаға басқаша қарай бастаған.

"Құрбым "жолыңда жиі ғашықтарды кездестіріп жүргенің үшін қайта рахмет айтуың керек. Демек сен де көп ұзамай ғашығыңды кездестіресің дегенді білдіреді. Бастысы басқалардың бақыты үшін қуану керек. Ол махаббатқа лайықсың ба деген сынақ" деді", - деп жалғастырды Әсел.

Әселдің айтуынша, ол ғашықтарға деген көз қарасын өзгерткеннен кейін өзі де көп ұзамай шын махаббатқа кенелген.

Еске сала кетейік, бұған дейін қазақстандық актриса Әсел Сәдуақасова Instagram парақшасындағы Stories бөлімінде тұрмысқа шықпай қалу қорқынышынан қалай арылғаны туралы айтқанын жазған едік.

Мәтіннен қате тапсаңыз, бізге жазыңыз