Актриса Гүлжамал Қазақбаева шетелге тұрмысқа шыққан туған қызымен 13 жылдан кейін кездесті

Қазақстанның еңбек сіңірген әртіс, актриса Гүлжамал Қазақбаева туған қызын 13 жыл көрмеген. Өнер иесі "Алғашқы" бағдарламасында Мароккоға тұрмысқа шыққан қызы Ләззатпен қауышты, деп жазады KAZ.NUR.KZ.

Актрисаның айтуынша, қызы Ләззатты көрмегеніне он жылдан асқан.

"Мен алғашында қатты сағынатынмын, қиналатынмын. Кейін келінім қызымнан кем болмады. Өмірде көрген қиындығым болсын, басқасы болсын, тәубе деймін. Қызымды көрмегеніме он жылдан асты. Олар Қазақстанға 13 жыл бұрын келді.

Пандемияның алдында маған шақырту жіберген. Бірақ шекара жабылып, кездесу тағы да қалып кетті. Сағыныш деген - жақсы да, қиын да сезім", - дейді Гүлжамал Қазақбаева.

Бағдарлама барысында актрисаның қызы Ләззат бір құшақ гүл алып, студияға кіріп келеді.

Ал туған қызын көрген Гүлжамал Қазақбаева көз жасына ерік берді.

Мәтіннен қате тапсаңыз, бізге жазыңыз