"Бәсе" YouTube арнасының авторларына іздеу жарияланды
Опубликовано:
"Бәсе" YouTube арнасының авторлары ерлі-зайыпты Айдос пен Наталья Садықовтарға іздеу жарияланды, деп хабарлайды KAZ.NUR.KZ тілшісі Ішкі істер министрлігіне сілтеме жасап.
Айдос пен Наталья Садықовтарға іздеу жарияланғаны туралы ақпарат құқықтық статистика және арнайы есепке алу порталында "Қылмыскерлерді іздестіру" бөлімінде пайда болды.
1968 жылы туған Айдос Жандосұлы Садықовқа және 1984 жылы туған Наталья Сергейқызы Садықоваға қатысты іс елорданың Алматы ауданындағы полиция басқармасында тіркелген.
Ерлі-зайыптыға 2023 жылғы 23 қазанда іздеу жарияланды. Істі қозғаушы - Ішкі істер министрлігі.
Айта кетейік, "Бәсе" каналы 2014 жылы құрылған. Каналға бір миллионға жуық адам жазылып, 2 мыңнан астам видео жарияланған. "Елі" деген жерде Украина деп көрсетілген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2042243-base-youtube-arnasynyn-avtorlaryna-izdeu-zariyalandy/