"Бала қарап қалам": Роза Рымбаева құрдастарының немереге деген махаббаты өтірік деп ойлағанын айтты

Әнші Роза Рымбаева биыл алғаш рет немерелі болды. Өнер иесі "Мархабат" бағдарламасында осыған дейін немересі бар құрдастарын түсінбегенін айтты, деп жазады KAZ.NUR.KZ.

"Біздің жасымыз 70-ке келіп қалды ғой. Құрдастарымның кейбірінде үш-төрт немере бар. Кейбірінде шөбере бар. Неге немере дей бересің дейтінмін. Ол сенің балаң емес, ол балаңның баласы деуші едім. Сол кезде "Рымбаева, басыңа келеді. Немерелі болғанда түсінесің" дейтін.

Олардың немересіне махаббаты өтірік деп ойлайтынмын.

Жасың ұлғайған сайын ұрпағыңның жалғасы екенін түсінеді екенсің. Сүйіспеншілік, махаббат сол екен. Жылатқың келмейді. Немеренің бар жағдайын жасағың келеді. Жас отбасы болған соң балаларға көмектескім келеді. Кейде тәжірибесі жеткіліксіз болып жатады. Сол кезде қолдау білдіремін. Әке-шешесі қыдырып кеткенде, бала қарап қалам. Ендігі мақсатым немереме барлық күшімді, білімімді, тәрбиемді беру", - деді Роза Рымбаева.

Айта кетейік, Роза Қуанышқызы биыл ақпан айында немерелі болды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз