"Меломен" тобының әншісі қызына ән арнап, жылатып қойды (видео)

"Меломен" тобының әншісі Қайрат Мырзаханов қызына арнап, ән жаздырған. Әкесінің өзіне арнаған әнін тыңдаған әншінің қызы көз жасына ерік берді, деп жазады KAZ.NUR.KZ.

Видеоны Қайрат Мырзаханов Instagram парақшасында бөлісті.

"Сөздің шыны керек, бұлай болады деп ойламадым. Нәзік жүректі, ақ ботам сол. Сені жылатсам, кешірші", - деп жазды әнші.

Видеодан әншінің қызына арнап жазған әнін тыңдатқан сәтті көруге болады.

Әншінің қызы әннің "Әкесінен аумай қалған балдай қызым, Сенің күлген кезің, қандай ғажап сезім" деген тұсын естігенде, жылап қалады.

Видеода әнші қызын жұбатып, "Қойшы, жылатпашы мені" дейді.

Желі қолданушылары бұл видеоны көріп, көзіне жас алғанын жасырмады.

"Мен неге жылап отырмын", "Керемет көрініс", "Көп қыздар көрмеген махаббат", "Отбасыңыз аман болсын", "Бақытты болыңыз", - деп жазды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз