"Әйелім ұстайды": Серік Ибрагимов табысы жайлы айтты

Әнші Серік Ибрагимов банк карточкасында қанша ақшасы барын көрсетті. Өнер иесі TikTok желісінде ақшасын әйелі ұстайтынын айтты, деп жазады KAZ.NUR.KZ.

Әншінің видеосын aqolek_tiktok парақшасында жариялады.

Видеода әнші банк карточкасында 507 мың теңгесі барын көрсетеді.

"Жасыратыны жоқ, табысым әйелім ұстайды. Сол кісі ақшаға жауап береді. Қажет кезде сұрап аламын. Шыны керек, әйелімде ақша менен көп. Бүгін "жолақың, керек-жарағыңа" деп 500 мың теңге берді.

"Ақшаны жүрекке байламау керек". Орнымен жұмсаса жақсы. Орынсыз жұмсалған ақша адамды бұзады. Ақшаң болса, көңілің тыныш. 1000 теңге тапсаң да, берекесімен келгені дұрыс", - деді Серік Ибрагимов.

Мәтіннен қате тапсаңыз, бізге жазыңыз