Ақтөбеде балалар және жасөспірімдер шығармашылығына арналған би фестивалі өтті

Ақтөбеде қалалық мәдениет үйінде 24-25 қарашада "Әлия Гүлі" достарын қарсы алады-2023" ІХ балалар және жасөспірімдер шығармашылығына арналған би фестивалі өтті. Фестиваль "Әлия Гүлі" қазақ би ансамблінің 45 жылдығына және Кеңес Одағының Батыры Әлия Молдағұлованың 98 жылдығына арналды.

Фестивалдің мақсаты – балалардың би әлемін түсініп қабылдаудағы талғампаздығын тәрбиелеу, эстетикалық сезімталдығын қалыптастыру, би қажеттілігі жайында қоғамдық сананы нығайту, өзара достық нышандарын қалыптастыру.

Фестиваль құрылтайшылары және ұйымдастырушылары:

• Ақтөбе қаласының мәдениет және тілдерді дамыту бөлімі ММ;
• Қалалық мәдениет үйі;
• "Халықтық ұжым" "Әлия Гүлі" қазақ би ансамблі.

Фестивальға Ресей, Татарстан, Башқұрстан, Қырғызстан, сондай-ақ еліміздің әр аймағынан – Жамбыл, Орал, Атырау, Ақтау қалаларынан 13 ұжым, ал Ақтөбе облысының қала және аудандарынан 11 би ұжымы қатысты. Осы аталған күндер аралығында фестиваль қатысушылары өз өнерлерін ортаға салды, тәжірибе алмасты.

Фестивальдің ашылуы 24 қарашада сағат: 15-17.00-де қалалық мәдениет үйінде өтті. Бұл күні көрермендер фестиваль қонақтарының концерттік бағдарламасын тамашалады. Фестиваль дөңгелек үстел, тәжірибе алмасу, шеберлік сағаттары форматында өтті.

Посмотреть эту публикацию в Instagram

Публикация от Instagram

24 қарашада сағат 18.00-де "Әлия Гүлі" қазақ би ансамблінің құрылғанына 45 жыл толуына арналған концерттік шара өтті. Шараға осы ұжымның құрылуына мұрындық болған басшылар, өнер қайраткерлері мен ардагерлер қатысты. Сондай-ақ 1998 жылы құрылған ансамбльдің бишілері өнерлерін ортаға салды.

Фестивальдің жабылуы және марапаттау салтанаты 25 қарашада өтті. Жабылу салтанатында фестивальдің барлық қатысушысына қалалық мәдениет үйінің директоры Дәрібаев Мұратбек Байбосынұлы сертификаттар мен естелік сыйлықтар табыстады.

Мәтіннен қате тапсаңыз, бізге жазыңыз