"Жігіттердің есі кететін": актер Абай Асылхан жұбайымен қалай танысқанын айтты (видео)

Актер Абай Асылхан мен актриса Жанель Мақажан 2021 жылы мұсылманша неке қидырды. Өнер иесі Instagram парақшасында жұбайымен қалай танысқанын айтып берді, деп жазады KAZ.NUR.KZ.

2019 жылы Алматыға келдім. Сол кезде өтетін концертті жүргізетін болдым. Екінші жүргізуші кім болатынын сұрағанымда, "Қазақстандық танымал актриса Жанель Мақажан" деді. Мен ол уақытта Жанельдің бірде-бір фильмін қарамаған екенмін. Бірақ мен танитын жігіттердің Жанель десе, есі кететін.

Сонымен концерт өтті. Біз телефон нөмір алмастық және әлеуметтік желіде бір-бірімізге тіркелдік", - деді Абай Асылхан.

Естеріңізге сала кетейік, актриса Жанель Мақажан мен оның сүйіктісі Абай Асылханұлы 2021 жылдың маусымында мұсылманша некесін қидырған болатын. Жанель Мақажанның бірінші некесінен екі баласы бар.

Айта кетейік, 18 қыркүйек күні актриса Жанель Мақажанның үшінші перзентін өмірге әкелгені белгілі болды.

Мәтіннен қате тапсаңыз, бізге жазыңыз