Айя Шалқар мен актер Асқар Ілиясовтың кездесетіні рас па (фото, видео)

Қазақстандық модель, актриса Айя Шалқар мен актер Асқар Ілиясовтың видеосы әлеуметтік желіге тарады. Көпшілік шоу-бизнес өкілдерін жұптастырып үлгерген, деп жазады KAZ.NUR.KZ.

Айя Шалқар жақында 28 жасқа толып, туған күнін дүркіретіп атап өтті.

Аталмыш кештің видеолары әлеуметтік желіге тез таралып, көпшіліктің қызу талқысына түскен.

Желіге таралған видеолардан Асқар Ілиясов пен Айя Шалқардың құшақтасып, бірге жүргенін, отырғанын байқауға болады.

Тіпті актриса Instagram парақшасына жариялаған видеодан Асқар Ілиясовтың Айяны көтеріп, жоғарыда тұрған стақандарға аққайнар құюға көмектескенін байқауға болады.

Желі қолданушыларының бірі жаңа жұлдызды жұптың пайда болғанына қуанса, екіншілері сұлудан үмітті екенін айтып, өкінішін жеткізді.

"Бақытты болыңдар", "Ілияс қайда?", "Кездесетіндеріңіз рас па?", - деп жазды желідегілер.

Алайда актриса да, актер де қарым-қатынастары жайлы ресми мәлімдеме жасамады.

Айта кетейік, актриса өз парақшасында жариялаған туған күннің естелік суреттерінен Асқар Ілиясовты да байқауға болады.

Мәтіннен қате тапсаңыз, бізге жазыңыз