Режиссер Олжас Нұрбай мен актриса Ұлболсын Шалқарова шаңырақ көтерді (видео)

Отандық киноиндустрия саласы тағы бір жұлдызды жанұямен толықты. Белгілі режиссер Олжас Нұрбай мен актриса Ұлболсын Шалқарова шаңырақ көтерді, деп жазады KAZ.NUR.KZ.

Instagram желісінде қос жұлдыздың тойынан түрлі видео тарап кетті. Ұлболсын Шалқарова да өз парақшасында ұзатуынан үзінділерді жариялап, оқырмандарына көрсетті.

Белгілі болғандай, актрисаның ұзату тойы 6 қаңтарда өткен.

Олжас Нұрбай 1990 жылы 14 желтоқсанда дүниеге келген. Ол бірқатар танымал фильмдерге режиссерлік еткен болатын. Олардың арасында көрерменннің ерекше ықыласына бөленген "Мошенники" мен "Сәке" сериалдары да бар.

Ал актриса Ұлболсын Шалқарова 1992 жылы 15 шілдеде өмірге келді. Ол Оңтүстік Қазақстан облысының тумасы. Өнер иесі "Бажа" атты сериалда басты рөлді сомдаған.

Мәтіннен қате тапсаңыз, бізге жазыңыз