"Алматыда үйім бар": әнші Бауыржан Ретбаев тұрмыстық жағдайын айтты

Жас әнші Бауыржан Ретбаев Алматыда үйі мен жеке көлігі барын айтты. Өнер иесі "1001 түн" бағдарламасында Алматыға көшіп келгеніне 1,5 ай болғанын жеткізді, деп жазады KAZ.NUR.KZ.

Әншінің айтуынша, ол Маңғыстаудан Алматыға қайта келгеніне 1,5 ай болған.

"30-40 жастың арасында жағдай жасау керек. Енді хит болуды армандап жүрмін. Аллаға шүкір, қазір де жағдайым жақсы. Алматыда үйім бар. Көлігім бар. Маңғыстауда қара шаңырақ бар.

Осыған дейін әнші болуды армандадым. Шығармашылықта 70 әнім бар. Енді соны 200-500 әнге жеткізу керек. Сапа болғаны да дұрыс. Ән жазбай кетсең, тоқырауға ұшырайсың. Өзің тыңдап жүрсең де, ән жазып жүру керек екен", - деді әнші.

Еске сала кетейік, осыған дейін Бауыржан Ретбаев сахнадан көрінбей кетуінің себебін түсіндірген болатын. Ол карантин уақытында туған өлкесіне көшіп кетіп, Алматыға қайта оралғанын айтты.

Мәтіннен қате тапсаңыз, бізге жазыңыз