"Бір інім қайтыс болып кетті": Берік Тұрсынбеков отбасы жайлы айтты

Актер Берік Тұрсынбеков көпшілікке "Күлпаш" рөлі арқылы кеңінен танылған. Өнер иесі "Менің өмірім" бағдарламасында ата-анасы мен бауырлары жайлы айтты, деп жазады KAZ.NUR.KZ.

"Әкемді бүкіл ауыл сыйлайтын, аяқ тартатын, бір мінезді адам болды. Ал анам көп сөйлемейтін, тұйық мінезді болатын. Өзімен-өзі жұмысын істеп жүрсе болды еді. Оған барып "Анашым, киімім кірледі", "Жуып берші" деген әңгіме айтпауың керек. Сен тимесең, мен - тиме еді. Анам "Социалистік еңбек ері", "Батыр ана" деген атағы бар. Анам депутат болды. Әйелдермен жұмыс істейтін. Өнерге екеуінің де қатысы жоқ. Әкем - 63 жасында, анам 75 жасында өмірден өтті.

Негізі отбасында он баламыз. Қазір тоғызымыз қалдық. Бір інім қайтыс болып кетті. Әпкелерім ауылда тұрады. Бір ағам Қарағандыда тұрады, жұмыс бабымен көшті", - деді Берік Тұрсынбеков.

Еске сала кетейік, осыған дейін әйелі Қарлығашпен қалай танысқанын айтып берген болатын.

Мәтіннен қате тапсаңыз, бізге жазыңыз