Әзілкеш Қайрат Әділгерей отбасымен бірге АҚШ-қа аттанды (фото)
Опубликовано:
Қазақстандық танымал актер әрі әзілкеш Қайрат Әділгерей отбасымен бірге кезекті саяхатына ұшып кетті. Жұлдызды жанұя бұл жолы Америка құрама штаттарына баруды жөн көрген, деп жазады KAZ.NUR.KZ.
Қайрат Әділгерейдің мұхит асып, АҚШ-қа аттанғаны жайлы Instagram желісінен белгілі болды. Өнер иесі өз парақшасында Америкада қалай саяхаттап жүргенін көрсетіп, түрлі фото мен видео жариялап жатыр.
Актер бұл сапарына келіншегі мен балаларымен бірге барған. Жұлдызды отбасы Нью-Йорк пен Вашингтон қалаларының әсем жерлерін аралап, ерекше уақыт өткізген.
Әзілкеш арманын орындап, Нью-Йорк қаласын тік ұшақпен ұшып тамашалаған.
Желі қолданушылары өнер иесі үшін қуанып, оған жылы лебізін білдіруде.
"Керемет. Осындай сапар бәрімізге бұйырсын", "Қандай керемет. Бұл менің арманым ғой. Сіздер үшін қуаныштымын", "Отбасымен саяхаттағанға не жетсін. Жарайсыздар", "Жақсы демалыс болсын. Елге аман-есен оралыңыздар", "Енді Майамиге барып көріңіздер", - деп жазуда көпшілік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2073936-azilkes-qairat-adilgerei-otbasymen-birge-aqs-qa-attandy-foto/