"Бір толқында": Жанар Айжанова мен Айжұлдыз Адайбекованың видеосы жұрттың жүрегін елжіретті

Отандық эстрада жұлдызы Жанар Айжанова мен қызы, актриса Айжұлдыз Адайбекова Instagram желісінде видео жариялады. Бейнежазба оқырмандардың жүрегін елжіретті.

Жанар Айжанова мен Айжұлдыз Адайбекованың қарым-қатынасы желі қолданушыларын бұрыннан тамсандырады. Ал бұл жолы анасы мен қызы тойдан видео жүктеп, бір толқында екенін көрсеткен.

Кадрлардан Жанар Айжанова мен Айжұлдыздың бір-біріне қарап белгі беріп, бірдей ырғақта билегенін байқауға болады. Актрисаның өзі жазбасында анасын жан құрбысына теңейді.

Видеоны көрген желі қолданушалары жағымды пікірлер жазып қалдырды. Олар анасы мен қызының қарым-қатынасына тамсанатынын жасырған жоқ.

"Сіздерді жақсы көремін", "Анасы мен қызы бір-бірін осылай түсінгені қандай керемет", "Бір толқында", "Керемет" деді олар.

Мәтіннен қате тапсаңыз, бізге жазыңыз