"Неткен бақытты едіңдер": 39 жасқа толған Жахан Отарғалиевтің жазбасы жұртты ойландырып қойды (видео)

Отандық әзілкеш Жахан Отарғалиев 39 жасқа толды. Ол жекеменшік мерекесіне орай Instagram желісіндегі парақшасында әсерлі жазба қалдырды.

Әзілкеш туған күнінде кішкентай актрисамен түскен видеосын жүктеп, ойын жазды.

"40-қа бір қадам. Қош келдің, 39 жас. Шын жүректен құттықтап қойсаңыздар болады. Бұл менің кинодағы қызым, Аллахым өмірде осындай балапанның әкесі атануды нәсіп етсін. Осындай қызы бар жандар, неткен бақытты едіңдер", - деп жазды ол.

Ал мұны көрген көпшілік актерді туған күнімен құттықтап, ақ тілегін жаудырды.

"Көп ұл-қыздың әкесі бол", "Бес қыздың әкесі болу жазсын", "Керемет, шынайы адамсың", "Бақытты бол, адал жар тап", "Туған күніңіз құтты болсын", "Құттықтаймын", - деп жазды олар.