Тұрсын Алагөзов өзбек әншісі Атхамбек Юлдашевқа су жаңа көлік сыйлады (видео)

Отандық танымал кәсіпкер Тұрсын Алагөзов Өзбекстан әншісі Атхамбек Юлдашевқа салоннан көлік сыйлады. Өнер иесі қымбат сыйлық алғанын Instagram-дағы парақшасында хабарлады, деп жазады KAZ.NUR.KZ.

Атхамбек Юлдашев қуанышты жаңалығын бірден оқырмандарына жеткізген. Әнші су жаңа көлікті табыстаған сәттің видеосын жариялап, көпшілікке қандай темір тұлпарға ие болғанын көрсетті.

Тұрсын Алагөзов өзбекстандық әртіске қызыл түсті Cadillac Escalade маркалы көлігін сыйға тартқан.

"Бауырлас еліміздің атынан бауырымызға сыйлық табыстап жатырмыз. Сізге зор денсаулық, бақыт пен махаббат тілеймін", - деді кәсіпкер.

Атхамбек Юлдашев мұндай бағалы сыйлыққа қатты қуанып, алғысын айтты.

"Сыйлық үшін рақмет. Маған қатты ұнап тұр. Мен тіпті мінуге қорқып тұрмын", - деді өнер иесі.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз