"Соңғы кездесуіміз екенін білмедім": Айгүл Иманбаева марқұм әкесін есіне алды (видео)
Опубликовано:
Қазақстандық танымал әнші әрі актриса Айгүл Иманбаева желіде әкесімен түскен соңғы видеосын жариялап, оған әсерлі жазба арнады. Бұл туралы KAZ.NUR.KZ жазады.
- Айгүл Иманбаева әлеуметтік желіде әкесімен түсірілген соңғы видеосын жариялады.
- Әнші әкесінің қайтыс болғанына бір жыл толғанын айтып, оған деген сағынышын білдірді.
- Иманбаева бұл кездесудің әкесімен соңғысы болатынын білмегенін атап өтті.
Өнер иесі асқар тауы әкесіне деген сағынышын Instagram-дағы парақшасында жеткізген. Иманбаева ерекше отбасылық видео жариялап, бұл әкесімен соңғы кездесуі болатынын білмегенін айтты.
"Осыдан тура 1 жыл бұрын, 7 тамызда әкем өмірден өтті. Жатқан жеріңіз жайлы, иманыңыз жолдас болсын, әке. Мына видео екеуміздің соңғы кездесуіміз екенін сол кезде білмедім", - деп жазды әнші.
Айта кетейік, Айгүл Иманбаеваның әкесі өткен жылы тамызда қайтыс болды. Өнер иесі соңғы жылдары әкесімен қарым-қатынасын жақсартып, оынмен жақын араласа бастаған болатын.
Эстрада жұлдызы тіпті ән кешінде барша халық алдында әкесінен кешірім сұраған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2146102-songgy-kezdesuimiz-ekenin-bilmedim-aigul-imanbaeva-marqum-akesin-esine-aldy/