Әйгілі Дженнифер Лопес Бен Аффлекпен ажырасуға арыз берді

Әйгілі әнші әрі актриса Дженнифер Лопес отау құрғанына екі жыл болған күні Бен Аффлекпен ажырасуға арыз берді. Жұлдызды жұптың қарым-қатынасы 20 жылдан астам уақыт елдің қызу талқысында болды, деп хабарлайды The New York Times басылымына сілтеме жасаған KAZ.NUR.KZ.

Сот құжаттарына сәйкес, Дженнифер Лопес 20 тамыз күні ажырасуға арыз берген. Айта кетерлігі, дәл сол күні жұлдызды жұптың отбасын құрғанына 2 жыл болған еді.

Бен Аффлек пен Дженнифер Лопес 20 жылдан кейін қайта қосылып, 2022 жылы отау құрды. Олардың махаббат хикаясы кино түсірілімінен кейін бастау алды. 2002 жылы қос ғашық сөз байласып, тойға дайындықты бастап кеткен болатын. Алайда көпшілік күткен дүбірлі той өтпей қалды.

2021 жылы БАҚ беттерінде жұлдызды жұптың қайта қосылғаны туралы ақпарат тарады. 2022 жылы Бен мен Дженнифер үйленіп, некесін заңдастырды.

Бірақ осы жылы ерлі-зайыптының қарым-қатынасы қыл үстінде екені жазыла бастады. Мамыр айында Дженнифер Лопес әлемдік турын өткізуден бас тартып, уақытын балалары мен жақындарына арнауды шешті. Шілде айында әлемдік БАҚ жұлдызды жұптың зәулім үйі сатылымға шығарылғанын хабарлады.

Мәтіннен қате тапсаңыз, бізге жазыңыз