"Мен оның тоқалымын": Мақпал Исабекова күйеуіне қатысты сұрақтарға жауап берді

Отандық эстрада жұлдызы Мақпал Исабекова әлеуметтік желіде оқырмандарының сұрақтарына жауап берді. Өнер иесіне жеке өміріне қатысты сауалдар көп қойылған, деп жазады KAZ.NUR.KZ.

Көпшілік Мақпал Исабековадан күйеуін көрсетуді сұраған. Оқырмандардың бірі әншіге "Неге күйеуіңізді көрсетпейсіз? Әлде ол қарсы ма? Әлде күйеуіңіз емес пе?" деген сауал жолдаған.

Өнер иесі бұл сұрақтарға күтпеген жауап қатты.

"Ол күйеуім емес, ол үйленген, ол кәрі, ол бұзақы, мен оның тоқалымын. Тағы басқа қандай нұсқаларыңыз бар? Айта беріңіздер, маған бәрібір", - деп жазды Мақпал Исабекова.

Желі оқырмандары ыңғайсыз сұрақтард қоюды әрі қарай жалғастырған.

"Сіздің балаларыңыз әртүрлі азаматтан ба?" , - деген олардың бірі.

Әнші мұндай қауесеттердің қайдан шыққанына таңданып қалды.

Мәтіннен қате тапсаңыз, бізге жазыңыз