"Абай болыңыздар": Гүлзира Айдарбекова алаяқтардың құрбаны бола жаздағанын айтты

Отандық продюсер Гүлзира Айдарбекова алаяқтардың құрбаны бола жаздағанын айтты. Бұл туралы KAZ.NUR.KZ жазады.

Қайрат Нұртастың анасы алаяқттардың әрекеті жайлы Instagram желісіндегі парақшасында айтып берді.

"Мен жаңа ғана алаяқтықтың жаңа түрінің куәгері болған сияқтымын. Маған қоңырау шалып, сізге тауар келді деп айтты. Өзім де Астанадан тауар күтіп отыр едім. Содан "иә, иә" деп ем, мекенжайды хабарлады. Артынша "сіз алып кетесіз бе, курьермен жіберейік пе?" деп мекенжайымды сұрады.

Содан "иә, бірақ үйде болмаймын, одан да дүкенге жіберіңіздер" дедім. Олар "сізге хабарлама жібереміз, соны растаңыз" деді. Негізі басқа қоңырау түссе, қорқамыз. Содан олар неше рет хабарласты, мен көтермедім.

Олардың қоңырауының жанында камера тұр. Демек олар қоңырау шалып, түрімді және дауысымды жазып алады. Сосын менің таныстарыма хабарласып, ақша сұрауы мүмкін немесе атыма несие растауы мүмкін. Сондықтан сіздер абай болыңыздар", - деді ол.

Осылайша продюсер алаяқтардың хабарласқан нөмірін көрсетті. Ол алаяқтардың басқа нөмірлерден айырмашылығы камерада екенін тағы да баса айтты.