"Түсінуге тырыссам, жүрегім ауырады": Ерке Есмаханның желідегі жазбасы қызу талқыға түсті

Отандық эстрада жұлдызы Ерке Есмахан Instagram желісінде су жаңа суреттерін жариялады. Әнші бұл жолы Hollywood-тағы өнер иелерінің айналасындағы дау туралы сөз қозғаған, деп жазады KAZ.NUR.KZ.

Ерке Есмахан көпшіліктен қазіргі жаңалықтардан қаншалықты хабардар екенін сұрады.

"Мына заманда көрсең де көрмегендей болып, естісең де естімегендей болып, білсең де білмегендей болып отыра берген дұрыс-ау. Түсінуге тырыссам, жүрегім ауырады. Меңзеп отырғаным – Hollywood-тың шоу-бизнесінде болып жатқан оқиға. Естулеріңіз бар ма?", - деді Ерке Есмахан.

Желі қолданушылары өнер иесінің жазбасына түрлі пікір қалдырды.

"Соқыр, мылқау танымас тірі жанды болуың керек", "Голливуд әртістері қай ғасырда да айтылатын әңгіме ғой", "Қазақстаным аман болса болды", "Көріп, таңғалдық", "Сонша шындықтың енді ашылғаны қызық әрі қорқынышты", "Голливудта неміз бар, өз былығымыз да аз емес","Жылтырағанның бәрі алтын емес", "Ешқашан ештеңе елеусіз қалмайды, тек бәрі өз сәтімен болады", - деп жазды олар.

Айта кетейік, жақында көпшілікке P. Diddy лақап атымен танымал рэпер Шон Комбс адам саудасы мен басқа да бірқатар ауыр қылмыс жасады деген күдікке ілінді. Ол 16 қыркүйек күні Нью-Йоркте ұсталып, федералды қамауға алынды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз