"Бүкіл ғұмырым көз алдымнан өтті": анасының сырқатын айтқан Айгүл Иманбаева эфирде жылап қалды (видео)

Қазақстандық танымал әнші әрі актриса Айгүл Иманбаева сұқбат кезінде анасының сырқаты туралы айтып, эфир кезінде жылап қалды. Өнер иесі бұл жайт өзін көп жасқа есейтіп жібергенін жасырмады, деп жазады KAZ.NUR.KZ.

Айгүл Иманбаева "Төрлетіңіз" бағдарламасында жан сырын ақтарып, анасының денсаулығы сыр бергенін айтты. Эстрада жұлдызы бұл жағдай өзіне үлкен сабақ болғанын алға тартты.

"Биыл анамның анализдерінен ақаулар шығып, Стамбұлға медициналық тексертуге апардым. Бүкіл ғұмырым көз алдымнан өте шықты. Мәңгілік жүретін сияқты сезілетін. Осы тексеруге апарғанда көп дүниені бастан өткеріп, сабақ алдым. Өмір деген ұстаз ғой. Жүрген жолыңда жүресің де күйесің. Ақыл болса түйесің, болмаса нені түйесің?! Осы сапарым 10 күннің ішінде мені көп жасқа есейтіп жіберді", - деп ағынан жарылды әнші.