"Өмірінің әр кезеңі – бір альбом": Ерке Есмахан желіде күйеуін жер-көкке сыйғызбай мақтады

Қазақстандық шоу-бизнес жұлдызы Ерке Есмахан желіде жолдасы Raim-ға жазба арнап, оны жер-көкке сыйғызбай мақтады. Әнші күйеуінің асқан еңбекқорлығын атап, оның өнеріне жоғары бағасын берді, деп жазады KAZ.NUR.KZ.

Ерке Есмахан жолдасы туралы жазбасын Instagram-дағы парақшасында жариялаған. Ол Раймды Қазақстанда альбом жазатын жалғыз әнші деп атады. Өнер иесі күйеуі ойдан құрастырмай, сезгені мен көргенін әнге қосатынын жеткізді.

Ерке Есмахан отағасының жаңа альбомына қолдау білдіріп, онымен бірге дуэт орындаған.

"Қазақстанда альбом жазатын жалғыз әнші. Ойдан құрастырмай, сезгенін, көргенін айнытпай әнге қосады. Өмірінің әр кезеңі – бір альбом. Әр альбомы, әр әні ерекше. Бір әнім "хит" болды екен деп соған ұқсас 10 ән жазбайтын әнші. Ол кім десеңіздер, Ол – RaiM! Осындай талантты өнер иесімен маған тағы бір дуэт айту бақыты бұйырыпты. Жаным, барлық арман, мақсатыңа жет", - деп жазды Ерке Есмахан.